சளி - Common Cold in Tamil

Dr. Ayush PandeyMBBS,PG Diploma

February 06, 2019

March 06, 2020

சளி
சளி

சுருக்கம்

பொதுவாக ஜலதோஷம் (சளி) என்பது வைரஸால் ஏற்படும் ஒரு தொற்றுநோயாகும். இது காற்று மற்றும் நேரடி தொடர்பு மூலம் விரைவாக பரவக்கூடிய, மேல் சுவாசக் குழாயில் ஏற்படும் தொற்று ஆகும். ரைனோவைரஸ் என்னும் வைரஸே 50% பொதுவான ஜலதோஷத்தை (சளியை) உண்டாக்குகிறது. ஜலதோஷம் (சளி) என்பது எந்தவொரு மருத்துவ சிகிச்சையும் தேவைப்படாமல் தானாகவே சரியாகிவிட கூடியது (சுய-கட்டுப்பாட்டு நிலை). இது வழக்கமாக 5-7 நாட்கள் வரை நீடிக்கும். இருப்பினும், ஜலதோஷம்(சளி) காய்ச்சல் அல்லது பிற பாக்டீரியா நோய்த்தொற்றுகளுடன் சேர்ந்து இருந்தால், கடுமையானதாக இருக்கலாம். ஜலதோஷத்தின் பொதுவான அறிகுறிகள் மூக்கு ஒழுகுதல் அல்லது மூக்கடைப்பு, உட் தொண்டையில் அரிப்பு உணர்வு மற்றும் தொடர் தும்மல் ஆகியவை ஆகும்.

சளி என்ன - What is Common Cold in Tamil

நம் அனைவருக்கும் கண்டிப்பாக ஒரு சில நேரங்களில் ஜலதோஷம் (சளி) இருந்திருக்கும். சளி இன் பொதுவான அறிகுறிகளான மூக்கு ஒழுகுதல் அல்லது மூக்கடைப்பு, உட் தொண்டையில் அரிப்பு உணர்வு மற்றும் தொடர் தும்மல் ஆகியவை எல்லோருக்கும் ஏற்படக்கூடியது. இருப்பினும், ஜலதோஷம் (சளி) என்றால் என்ன? எதனால் இது ஏற்படுகிறது? இதை எவ்வாறு சரி செய்யலாம்? மற்றும் மிகவும் முக்கியமாக, ஒருவர் எவ்வாறு தனக்கு ஜலதோஷம் (சளி) வராமல் பாதுகாத்துக் கொள்ளலாம்? போன்ற ஜலதோஷம் (சளி) தொடர்பான சில முக்கிய உண்மைகள் இன்னமும் அறியப்படவில்லை. பொதுவான ஜலதோஷம் (சளி) பற்றி எல்லாவற்றையும் அறிய தொடர்ந்து முழுமையாக படிக்கவும்.

ஜலதோஷம் (சளி) என்றால் என்ன?

ஜலதோஷம் (சளி) வைரஸ் தொற்றால் மேல் சுவாசக் குழாயில் ஏற்படும் ஒரு நோய் ஆகும். இந்த நிலைக்கு 200 க்கும் மேற்பட்ட வகையான வைரஸ்கள் காரமாக இருப்பதாக நம்பப்படுகிறது, இதில் "ரைனோவைரஸ்" மிகவும் பிரபலமானதாக இருப்பதாகக் கண்டறியப்பட்டுள்ளது, இதுவே ஏறத்தாழ உலகின் பாதி ஜலதோஷ பாதிப்புகளுக்கு பொதுவான காரணமாக உள்ளது. கொரோனா வைரஸ்,ரெஸ்பைரேடரி சின்சிடியல் வைரஸ், இன்ஃப்ளுஎன்சா வைரஸ் மற்றும் பாராஇன்ஃப்ளுஎன்சா போன்ற வைரஸ்களும் ஜலதோஷத்தை (சளியை) ஏற்படுத்துகிறது.

ஜலதோஷம் (சளி) எப்படி பரவுகிறது?

மேலே குறிப்பிட்ட வைரஸ்கள் மூலம் ஏற்கனவே ஜலதோஷத்தால் (சளி) பாதிக்கப்பட்டவர்களிடம் இருந்து ஜலதோஷம் (சளி) எளிதில் மற்றவர்களுக்கு பரவக்கூடியது. ஜலதோஷம் (சளி) காற்று மூலம், பாதிக்கப்பட்ட நபருடன் நேரடி உடல் தொடர்பு அல்லது அவர் பயன்படுத்திய கம்ப்யூட்டர் விசைப்பலகை, மொபைல் போன்கள், டோர்க்நாப் மற்றும் ஸ்பூன் போன்றவற்றை பிறர் பயன்படுத்துவதால் நேரடியாக தொற்றிக்கொள்ளும். மருத்துவர்கள் பாதிக்கப்பட்ட தனிநபருடன் எந்த நேரடி தோல் தொடர்பு மற்றும் அவரது தனிப்பட்ட உடமைகளை பிறர் பயன்படுத்த வேண்டாம் பரிந்துரைகின்றனர், அவ்வாறு செய்வதால் ஜலதோஷம் (சளி) தொற்றிக்கொள்ளும் வாய்ப்புள் அதிகரிக்க கூடும். ஜலதோஷம் (சளி) உள்ளவர்கள் தும்முல், இருமல் மற்றும் பேசும்போது அவர்கள் வாயிலிருந்து தெறிக்கும் நீர் துளிகள் காற்றில் கலக்கும் வழியாக எளிமையாக பரவுகிறது என பெரும்பாலோருக்கு ஏற்கனவே தெரிந்திருக்கும். காற்றில் கலந்த நீர் துளிகளிலிருந்து வைரஸ் விரைவாக காற்றில் பரவி மனித உடலுக்குள் நாசி வழியும் தொண்டை குழாய் வழியும் நுழைகிறது.

ஆரம்பத்தில், நம் நோயெதிர்ப்பு அமைப்பு இந்த தொற்றுக்களுக்கு எதிராக போராடி நோய்த்தொற்றை (வைரஸ்) ரத்த வெள்ளை அணுக்களின் (WBC) உதவியுடன் தாக்கி உடலை பாதுகாக்கிறது. ஆனால் உங்கள் உடல் முன்பே இந்த நோயால் பாதிக்கப்படவில்லை என்றால், உங்கள் நோய் எதிர்ப்பு அமைப்பு அதற்கு தயாராக இருக்காது. இதனால், உங்கள் மூக்கு மற்றும் தொண்டையின் உள்ளே அழற்சி ஏற்படுகிறது, இதன் விளைவாக ஜலதோஷம் (சளி) உருவாகிறது. ஆனால் நம் உடல் இந்த வைரஸை எதிர்த்துப் போராட நிறைய ஆற்றலைப் பயன்படுத்துகிறது, இது பெரும்பாலும் சோர்வை விளைவிக்கும் (பலவீனமாக மற்றும் சோர்வாக உணர்தல்) என்பதை கூட நாம் உணரமுடிவதில்லை. இதை தெரிந்துகொள்வது நமக்கு ஆச்சரியமாக இருக்கலாம்.

உங்களுக்கு தெரியுமா?

குளிராக உணர்தல் அல்லது நனைந்து விடுவதால் ஜலதோஷம் (சளி) தொற்றிக்கொள்கிறது என்று பொதுவாக நம்பப்படுகிறது. ஆனால் சமீபத்திய ஆய்வுகள், ஒருவர் மன அழுத்தத்தின் கீழ் இருக்கும்போது, அல்லது உணர்ச்சிவசப்பட்ட மனநிலையுடன் இருக்கும்போது அல்லது தொண்டை மற்றும் மூக்கு ஒவ்வாமை ஏற்படும் போது மட்டுமே ஜலதோஷம் (சளி) ஏற்பட வாய்ப்புகள் உள்ளது என உறுதிப்படுத்துகிறது.

Immunity Booster
₹225  ₹320  29% OFF
BUY NOW

சளி அறிகுறிகள் என்ன - Symptoms of Common Cold in Tamil

பொதுவாக, ஜலதோஷத்தின் (சளியின்) அறிகுறிகள் தோன்ற ஆரம்பிக்க நேரம் எடுக்கும். அறிகுறிகள் உடனடியாக தோன்ற ஆரம்பிக்கின்றன என்பது மிகவும் அரிது.

மேலும், காய்ச்சல் மற்றும் ஜலதோஷத்தின் (சளியின்) அறிகுறிகள் ஒரே மாதிரி இருப்பதால் இரண்டிற்கும் இடையில் வேறுபாடு காணமுடியாமால் மக்கள் அடிக்கடி குழப்பம் கொள்கின்றனர். இருப்பினும், இரண்டு அறிகுறிகளுக்கிடையிலான வித்தியாசத்தை நீங்கள் அறிந்து கொள்வதால் அவற்றை எவ்வாறு சிறந்த முறையில் அணுகுவது என்பதைப் பற்றி நன்கு தெரிந்துகொண்டு முடிவெடுக்க உதவும்.மேலும், இது உங்கள் மருத்துவரைப் பார்க்கலாமா இல்லையா என்பதைத் தீர்மானிக்கவும் உதவும்.

மூக்கு தொடர்பான ஜலதோஷத்தின் (சளியின்) அறிகுறிகள்:

  • மூக்கடைப்பு.
  • கண்களின் மீது அழுத்தம் / கன்னங்கள் மற்றும் நெற்றியில் வலி(சைனஸ் பகுதி).
  • மூக்கு ஒழுகுதல்.
  • மூக்கில் மூச்சு திணறல் உணர்வு.
  • எதையும் வாசனை செய்ய இயலாமை.
  • தொடர்ச்சியான தும்மல்.
  • மூக்கில் இருந்து கீழே சளி, தொண்டைக்கு பின்புறமாக விழுவதை போன்று நீங்கள் உணரலாம்.

தலை மற்றும் தொண்டை தொடர்பான ஜலதோஷத்தின் (சளியின்) அறிகுறிகள்:

  • கண்களில் நீர் வடிதல்.
  • லேசானது முதல் மிதமானது வரை தலைவலி.
  • தொண்டையில் எரிச்சல்.
  • ப்லேகிம் (சளி) உடன் இருமல்.
  • வீங்கிய நிணநீர்முடிச்சுகள்.

உடல் தொடர்பான ஜலதோஷத்தின் (சளியின்) அறிகுறிகள்:

  • எளிதாக சோர்வாக மற்றும் களைப்பாக இருத்தல்.
  • குளிர் (குளிர்ந்த உணர்வு).
  • லேசான உடல் வலி ஏற்படுதல்.
  • காய்ச்சலாக உணர்தல் அல்லது காய்ச்சல் ஏற்படுதல்.
  • நெஞ்சு வலி.
  • சுவாசிப்பதில் சிரமம்.

சளி சிகிச்சை - Treatment of Common Cold in Tamil

ஜலதோசத்திற்கு (சளியிற்கு) குறிப்பிட்ட சிகிச்சை எதுவும் இல்லை. உங்கள் மருத்துவர் பல்வகை மருந்துகளை ஜலதோஷத்தை (சளியை) சமாளிக்க உதவ பரிந்துரைக்கலாம். இதற்கான சிகிச்சை இரண்டு முக்கிய பகுதிகளில் கவனம் செலுத்துகிறது

  • உங்களை நன்றாக உணரவைக்க வேண்டும்
  • உங்கள் உடல் வைரஸை எதிர்த்து திறமையாக போராட உதவுவது.

பொதுவாக மருத்துவர்கள் ஜலதோசத்தின் சிகிச்சையின் போது நிறைய ஓய்வு எடுக்க பரிந்துரைக்கின்றன.

  • இரவில் 10-12 மணி நேரம் சரியாக தூங்க பரிந்துரைக்கப்படுவீர்கள்.
  • அதிகமாக தண்ணீர் குடிப்பதற்காக பரிந்துரைக்கப்படுவீர்கள். அவ்வாறு செய்வதன் மூலம் சளியை கரைத்து தொண்டை அடைப்பை சரி செய்யலாம்.
  • ஜலதோஷத்திற்கு (சளியிற்கு) எந்த குறிப்பிட்ட மருந்தும் இல்லை என்று ஏற்கனவே உங்களுக்கு தெரியும். ஆனால் ஜலதோஷத்தின் (சளியின்) அறிகுறிகளுக்கு சிகிச்சை அளிப்பது மூலம் பாதிக்கப்பட்ட நபர் போதுமான நிவாரணம் பெறலாம்.
  • உடலின் வெப்ப நிலை 100.5F அல்லது அதற்கு மேற்பட்ட வெப்ப நிலையில் உள்ள காய்ச்சல் கொண்ட குழந்தைகளுக்கு, பாராசிட்டமால் பரிந்துரைக்கப்படுகிறது. உங்கள் மருத்துவரைக் கலந்தாலோசிக்காமல் எந்தவொரு மருந்தையும் குழந்தைக்கு கொடுக்காதீர்கள்.
  • காய்ச்சல் மற்றும் உடல் வலி காரணமாக பாதிக்கப்பட்ட பெரியவர்களுக்கு, மருத்துவர் ஆலோசனையுடன் பாதுகாப்பாக பாராசிட்டமால் எடுத்துக்கொள்ளலாம். காய்ச்சல் ஒரு நாளுக்கு மேல் நீடித்தால், பிற நோய் எதுவும் உள்ளதா என தெரிந்துகொள்வதற்கு, இரத்த பரிசோதனைகள் தேவைப்படலாம்.
  • தொண்டை வலிக்கு சிகிச்சையளிக்க, ஒரு கப் சூடான உப்பு நீர் கொண்டு கொப்பளிப்பதனால் நிவாரணம் பெறலாம்.

சூடோபிட்ரின் போன்ற குறிப்பிட்ட வகை மருந்துகள் மூச்சு மற்றும் தொண்டை பாதையிலுள்ள அடைப்புகளை நீக்க உதவுகிறது. ஆக்ஸிமெட்டாஸோலைன் போன்ற மூக்கு தெளிப்பு (டீகான்ஜெஸ்டண்ட்) நோயாளிகளுக்கு நிவாரணம் அளிக்க மிகவும் உதவுகிறது. இருப்பினும், சுகாதார வல்லுநர்கள் இது 3-5 நாட்களுக்கு மேல் மூக்கு தெளிப்பு-களை பயன்படுத்தப்படக்கூடாது என்று பரிந்துரைக்கின்றனர், இது மூக்கு அடைப்பை விளைவிப்பதோடு சேர்ந்து பக்க விளைவுகளையும் உண்டாக்கலாம். இதன் பொருள் மூக்கு மற்றும் தொண்டைப் பகுதியில் சளியை உருவாவதோடு மேலும் அடைப்பு ஏற்படலாம். சூடோபிட்ரின் ரத்த அழுத்தத்தை அதிகரித்து இதயத்தை வேகமாக துடிக்க வைக்கிறது என்று ஆராய்ச்சி மேலும் சுட்டிக்காட்டுகிறது. உங்கள் மருத்துவர் ஒரு பாக்டீரியா நோய்த்தொற்றை சந்தேகித்தால் மட்டுமே நுண்ணுயிர் எதிர்ப்பிகள் பரிந்துரைக்கப்படுகின்றன.

குறிப்பாக இதய நோய்கள், உயர் இரத்த அழுத்தம், புற்றுநோய், நீரிழிவு மற்றும் தைராய்டு நிலைமைகள் ஆகியவற்றால் நீங்கள் பாதிக்கப்பட்டிருந்தால் மருத்துவரை அணுகவும், என வலுவாக பரிந்துரைக்கிறோம்.

Cough Relief
₹719  ₹799  10% OFF
BUY NOW


மேற்கோள்கள்

  1. National Health Service [Internet] NHS inform; Scottish Government; Common Cold
  2. Center for Disease Control and Prevention [internet], Atlanta (GA): US Department of Health and Human Services; Common Cold and Runny Nose
  3. National Health Service [Internet]. UK; Common Cold
  4. Center for Disease Control and Prevention [internet], Atlanta (GA): US Department of Health and Human Services; Common Colds: Protect Yourself and Others
  5. Ronald B. Turner. Rhinovirus: More than Just a Common Cold Virus . The Journal of Infectious Diseases, Volume 195, Issue 6, 15 March 2007, Pages 765–766. [Internet] Infectious Diseases Society of America.

சளி க்கான மருந்துகள்

Medicines listed below are available for சளி. Please note that you should not take any medicines without doctor consultation. Taking any medicine without doctor's consultation can cause serious problems.