கருப்பை புற்றுநோய் - Ovarian Cancer in Tamil

கருப்பை புற்றுநோய் என்றால் என்ன?

பெண்களினுள் முட்டையை (சினை முட்டை) உற்பத்தி செய்யும் உறுப்பின் (கருப்பை) திசுக்களில் ஏற்படும் புற்றுநோயே கருப்பை புற்றுநோய் என்றழைக்கப்படுகிறது. கருப்பை கட்டிகள் என்பது தீங்கற்றதாகவும் இருக்கலாம் (புற்றுநோய் இல்லாத சாதாரண கட்டி) அல்லது கேடு விளைவிப்பதாகவும் இருக்கலாம் (புற்றுநோய்). இது மிகவும் ஆபத்தான பெண்ணோயியல் புற்றுநோய்களில் ஒன்றாகும்,மேலும் இது பொதுவாக வயது முதிர்ந்த பெண்களிடத்திலேயே காணப்படுகிறது.

இதன் முக்கிய அடையாளங்களும் அறிகுறிகளும் யாவை?

கருப்பை புற்றுநோய் மெதுவாக வளர்ச்சியடைவதன் காரணத்தினால், பெரும்பாலும் இதை ஆரம்ப கட்டத்திலேயே கண்டறிதல் என்பது சற்று கடினம். சில பொதுவான அறிகுறிகள் மற்றும் அடையாளங்கள் பின்வருமாறு:

• முறையின்றி ஏற்படும் மாதவிடாய் அல்லது இரத்த போக்கு மற்றும் சுழற்சியில் ஏற்படும் மாற்றங்கள்.
• பாலியல் தொடர்பு கொள்ளும் போது ஏற்படும் வலி.
• நெஞ்செரிச்சல்.
• முதுகு மற்றும் இடுப்பில் ஏற்படக்கூடிய வலி.
• இடுப்பு பகுதியில் ஏற்படும் வீக்கம்.
• பசியின்மை.
• எடை இழப்பு.
• குமட்டல்.
• மலச்சிக்கல்.
• வயிறு உப்பசம்.
• மூச்சுத்திணறல்.
• களைப்பு.
• அடிக்கடி சிறுநீர் கழித்தல்.

எரிச்சலூட்டும் குடல் நோய்க்குறி (ஐபிஎஸ்) எனும் நிலை கருப்பை புற்றுநோயின் அறிகுறிகளையும் அடையாளங்களையும் பிரதிபலிக்ககூடியது.

இதன் முக்கிய காரணங்கள் என்ன?

கருப்பை புற்றுநோய்க்கான பெரும்பாலான காரணங்கள் தெளிவாக புலப்படவில்லை. சில பொதுவான ஆபத்து காரணிகள் பின்வருமாறு:

• மரபுரிமையினால் ஏற்படும் மரபணு மாற்றங்கள் (எடுத்துக்காட்டாக, பிஆர்சிஏ1 / 2, ஹெச்என்பிசிசி).
• குழந்தை பேறு இல்லாத பெண்கள்.
• மன அழுத்தம்.
• குழந்தையின்மை சிகிச்சைக்கான மருந்துகளை உட்கொள்வதனால் ஏற்படும் பக்க விளைவுகள்.
• கருப்பை அல்லது மார்பக புற்றுநோய்க்கான குடும்ப மருத்துவ வரலாறு.
• மற்ற சாத்தியமான ஆபத்து காரணிகளுள் அடங்குபவை புகைபிடித்தல், மேற்கத்திய உணவு பழக்கம், உடல் பருமன், வாசனை திரவியத்தின் பயன்பாடு, டால்கம் பவுடர், சுற்றுச்சூழல் மாசுபாடு, வறுமை மற்றும் குழந்தை பருவத்தின் மோசமான உணவு பழக்கம்.

இதன் கண்டறியும் முறை மற்றும் சிகைச்சையளிக்கும் முறை யாவை?

கருப்பை புற்றுநோயை கண்டறிதலுக்கு, மருத்துவர்கள் பயன்படுத்தும் பல்வேறு முறைகள் பின்வருமாறு:

• வயிறு மற்றும் இடுப்பில் அல்ட்ராசவுண்ட் சோதனை:
  கருப்பை நோய் இருக்கும் வழக்குகளில், அல்ட்ராசவுண்ட் சோதனையே பெரும்பாலும் முதல் சோதனையாக கருதப்படுகிறது.
• சிடி ஸ்கேன்:
  இந்த சோதனை பெரிய கட்டிகளை கண்டறிவதற்காக பயன்படுத்தப்படுகிறது, ஆனால் சிறியவைகளை இதனால் கண்டறிய முடிவதில்லை.
• எம்ஆர்ஐ ஸ்கேன்:
  இந்த சோதனை மூளை அல்லது முதுகெலும்பில் புற்றுநோய் பரவுயிருக்கும் பட்சத்தில் அது உருவாகியிருக்கும் இடத்தை கண்டறிய உதவுகிறது.
• இரத்த பரிசோதனைகள்
  கருப்பையில் உள்ள புற்றுநோய் செல்களால் உற்பத்தி செய்யப்படும் சிஏ-125யின் அளவை தீர்மானிக்க சிஏ-125 பரிசோதனை செய்யப்படுகிறது.

புற்றுநோய் கண்டறியப்பட்ட பிறகு, அது பின்வருமாறு சிகிச்சை அளிக்கப்படுகிறது–

• கீமோதெரபி.
• அறுவை சிகிச்சை.
• ரேடியேஷன் தெரபி.

வழக்கமான சிகிச்சைகளுடன் அக்கு பங்சர், மூலிகை மருந்து, தியானம் மற்றும் யோகா போன்ற சில சிகிச்சைகளும் இணைந்து இந்நிலையை குணப்படுத்த உதவுகின்றன.

1. Office on Women's Health [Internet] U.S. Department of Health and Human Services; Ovarian cancer.
2. National Cancer Institute [Internet]. Bethesda (MD): U.S. Department of Health and Human Services; Ovarian, Fallopian Tube, and Primary Peritoneal Cancer—Patient Version
3. National Cancer Institute [Internet]. Bethesda (MD): U.S. Department of Health and Human Services; NCI Dictionary of Cancer Terms
4. MedlinePlus Medical Encyclopedia: US National Library of Medicine; Ovarian Cancer
5. Center for Disease Control and Prevention [internet], Atlanta (GA): US Department of Health and Human Services; Ovarian Cancer
6. Doubeni CA et al. Diagnosis and Management of Ovarian Cancer. Am Fam Physician. 2016 Jun 1;93(11):937-44. PMID: 27281838
7. Committee on the State of the Science in Ovarian Cancer Research; Board on Health Care Services; Institute of Medicine; National Academies of Sciences, Engineering, and Medicine. Ovarian Cancers: Evolving Paradigms in Research and Care. Washington (DC): National Academies Press (US); 2016 Apr 25. 2, The Bi