ఉదర సంబంధ నొప్పులు - Abdominal Cramps in Telugu

ఉదర నొప్పి అంటే ఏమిటి?

ఛాతి క్రింద ఏ ప్రాంతంలోనైనా మరియు పొత్తి కడుపు ప్రాంతానికి పైన ఉండే నొప్పి ఉదర సంబంధ నొప్పిగా పిలవబడుతుంది. కండరాల యొక్క సంకోచాలు బాధాకరంగా మారినప్పుడు నొప్పి ఏర్పడుతుంది. ఈ నొప్పి సర్వసాధారణం మరియు ప్రతిఒక్కరూ వారి జీవితకాలంలో కనీసం ఒకసారి ఐన అనుభవించి ఉంటారు. వాటి  తీవ్రత మరియు తరచుదనం బట్టి అంతర్లీన కారాణాలు ఆధారపడి ఉంటాయి.

ప్రధాన సంకేతాలు మరియు లక్షణాలు ఏమిటి?

• నొప్పికి సంబంధించిన తేలికపాటి లక్షణాలు
  • తినేటప్పుడు అజీర్ణం మరియు అసౌకర్యం.
  • మలబద్ధకం లేదా అతిసారం.
  • తేన్పులు మరియు అపానవాయువు లేదా కడుపు వాయువు.
  • గుండె మంట లేదా ఆమ్లత్వం (acidity) మరియు వాంతులు.
  • జ్వరం, అది సూక్ష్మజీవ సంక్రమణ (microbial infection) వలన ఐతే.
• ఉదర నొప్పి యొక్క తీవ్రమైన లక్షణాలు
  • బాధాకరమైన మూత్రవిసర్జన మరియు ప్రేగు కదలికలు.
  • మూత్రం లేదా మల రక్తం.
  • డీహైడ్రేషన్
  • ఆకలి తగ్గుదల మరియు తీవ్రమైన బరువు తగ్గుదల.

ప్రధాన కారణాలు ఏమిటి?

కడుపు, కాలేయం, మూత్రపిండము, క్లోమము (pancreas), లేదా ఉదరములో ఉన్న ఏవైనా ఇతర అవయవములతో ముడిపడివున్న ఒక వైద్య సమస్య వలన ఈ నొప్పి ఏర్పడవచ్చు. కారణాలు తేలికపాటి ఇన్ఫెక్షన్ల నుండి తీవ్రమైన వ్యాధులు, క్యాన్సర్ వంటి వాటి వరకు ఉండవచ్చు. ఉదర సంబంధ నొప్పుల యొక్క సాధారణ కారణాలు:

• ఆహార విషప్రయోగం (food poisoning) కారణంగా కడుపు యొక్క ఇన్ఫెక్షన్లు మరియు వాపు.
• వాంతి మరియు గ్యాస్ట్రోఎసోఫాగియల్ రిఫ్లక్స్ వ్యాధి (gastroesophageal reflux disease) (కడుపులో పదార్దాలు ఆహార గొట్టంలోకి తిరిగి ప్రవహించే ఒక పరిస్థితి).
• ఋతుక్రమ నొప్పి.
• లాక్టోస్ అసహనం (లాక్టోస్ లేదా పాల చక్కెరను జీర్ణం చేసుకోలేని ఒక అసమర్థత).
• మూత్రపిండ రాళ్లు లేదా పిత్తాశయ రాళ్ళు.
• ఇరిటబుల్ బౌల్ సిండ్రోమ్ (పేగు యొక్క వాపు).
• అపెండిసైటిస్.
• గ్యాస్ట్రిక్ లేదా కడుపు పూతల.
• కడుపు లేదా పెద్దప్రేగు యొక్క క్యాన్సర్

ఎలా నిర్ధారణ చెయ్యాలి  మరియు చికిత్స ఏంటి?

చికిత్సను  సరిగ్గా మరియు సమర్థవంతంగా  అమలు చేయ్యడానికి నొప్పికి గల అసలు  కారణాన్ని నిర్ధారించాలి. రకం, తీవ్రత, నొప్పి యొక్క తరచుదనం, మరియు ఇతర లక్షణాలను  ఆధారంగా చేసుకుని, వైద్యులు ఉదర నొప్పి కారణాలు తగ్గించడానికి ఉంటుంది.

క్రింది పరీక్షలు ద్వారా రోగనిర్ధారణ చేయబడుతుంది:

• ఇన్ఫెక్షన్ల తనిఖీ కోసం రక్త పరిశోధన చేస్తారు.
• సూక్ష్మజీవుల తనిఖీ కోసం మూత్రం మరియు మల పరిశోధన, మూత్రంలో రక్తం, చీము మరియు మొదలైనవి.
• పిత్తాశయం లేదా మూత్రపిండాల రాళ్ళ తనిఖీ చేయడానికి ఉదరం యొక్క ఎక్స్-రే.
• కడుపు లేదా చిన్న ప్రేగులలో ఏదైనా అడ్డంకులను పరిశీలించడానికి ఎండోస్కోపీ (Endoscopy).
• పెద్దప్రేగు ఆరోగ్యాన్ని అంచనా వేయడానికి కోలొనోస్కోపీ (Colonoscopy).
• కంప్యూటరైజ్డ్  టోమోగ్రఫీ లేదా CT స్కాన్.
• అల్ట్రాసౌండ్ (Ultrasound).

ఉదర నొప్పుల చికిత్స కారణం మీద కూడా  ఆధారపడి ఉంటుంది. అవి క్రింది వాటిని కలిగి ఉండవచ్చు:

• అంటువ్యాధులు లేదా వాపు కోసం, వైద్యులు  మీకు మందులు ఇస్తారు మరియు ఆహారంలో మార్పుని సిఫార్సు చేస్తారు.
• ఏదైనా అవయవంలో అవరోధం ఉంటే, శస్త్రచికిత్స అవరోధాన్ని తొలగిస్తుంది.
• క్యాన్సర్ చికిత్సకి శస్త్రచికిత్సకు అదనంగా కెమోథెరపీ మరియు రేడియోధార్మిక చికిత్సలు వంటి  మరింత విస్తృతమైన పద్దతులు అవసరం. ఇది క్యాన్సర్ యొక్క స్థితి లేదా క్యాన్సర్ యొక్క ప్రాంతం మీద ఆధారపడి ఉంటుంది.

ఉదర సంబంధ నొప్పుల కోసం స్వీయ రక్షణ

కారణాలకు అనుగుణంగా చికిత్స భిన్నంగా ఉన్నప్పటికీ,  అసౌకర్యాన్ని తగ్గించడానికి కొన్ని ప్రాథమిక రక్షణ చర్యలు ఉన్నాయి.అవి:

• ఆమ్ల (acidic) మరియు ఘాటు ఆహారాలు  తినడం మానుకోండి. అవి మీ కడుపు మరియు ప్రేగుల గోడల్లో చికాకును పెంచుతాయి.
• నీరు పుష్కలంగా త్రాగండి మరియు అధిక మోతాదులో ద్రవ పదార్ధాలను తీసుకోండి. అయితే, అధిక వాయువును ఉత్పత్తి చేసే కార్బోనేటేడ్ పానీయాలను నివారించండి.
• నిద్రించే సమయానికి ముందుగా ఏదైనా భారీగా తినకూడదు. మీరు నిద్రించే  ముందు కనీసం రెండు గంటలు జీర్ణక్రియ ప్రారంభం కానివ్వండి.
• కడుపు కండరాల యొక్క కఠినమైన వ్యాయామాలు  మానుకోండి.

1. Wieger L Homana ,Theo G Mank. Human giardiasis: genotype linked differences in clinical symptomatology. Volume 31, Issue 8, June 2001
2. Ronald G. Barr, Melvin D. Levine, John B. Watkins. Recurrent Abdominal Pain of Childhood Due to Lactose Intolerance — A Prospective Study. June 28, 1979 N Engl J Med 1979; 300:1449-1452
3. SuEllenToth-Fejel, Rodney F Pommier. Relationships among delay of diagnosis, extent of disease, and survival in patients with abdominal carcinoid tumors. Volume 187, Issue 5, May 2004
4. MedlinePlus Medical Encyclopedia: US National Library of Medicine; Abdominal pain
5. Better health channel. Department of Health and Human Services [internet]. State government of Victoria; Abdominal pain in adults