కండరాల క్షీణత - Muscular Dystrophy in Telugu

కండరాల క్షీణత అంటే ఏమిటి?

కండరాల క్షీణత లేక మస్కులర్ డిస్ట్రోఫీ అంటే క్రమ క్రమంగా కండరాల ద్రవ్యరాశిని కోల్పోవడం. కొన్నిరోగాల సమూహంవల్ల ఈ కండర క్షీణత ఏర్పడుతుంది. తద్వారా తీవ్ర కండరాల బలహీనతకు దారి తీసి చివరకు ప్రాణాంతక పరిస్థితి దాపురిస్తుంది.

కండరాల క్షీణతలలో  వివిధ రకాలున్నాయి:

• డ్యూచెన్నె అనబడే కండరాల క్షీణత - చిన్న పిల్లల్లో కనిపిస్తుంది.
• మయోటోనిక్ కండరాల రక్షీణత - ప్రగతిశీల కండరాల బలహీనత లేదా కండరాల వృధా, ఇందులో మొదట చిన్న కండరాలు దెబ్బ తింటాయి. ఇది పురుషులు మరియు స్త్రీలను సమాన పౌనఃపున్యంతో దెబ్బతీస్తుంది.
• ఫాసియోస్కాపులోహుమెరల్ కండరాల క్షీణత (Facioscapulohumeral MD) - ముఖం, భుజాలు, చేతులు మరియు పిక్కల్ని దెబ్బ తీస్తుందిది.
• బెకెర్ కండరాల క్షీణత  - ఎక్కువగా మగపిల్లలకు సంభవిస్తుందిదిది, అయితే డుచెన్నే కండరాల క్షీణత కంటే తక్కువ తీవ్రతను కల్గిఉంటుంది
• అంగాల-నడికట్టు (limb girdle MD) - భుజం మరియు తుంటి కండరాలు వంటి పెద్ద కండరాలను దెబ్బ తీస్తుందిది
• ఒకులోఫారింగియల్ కండరాల క్షీణత (Oculopharyngeal MD) - జీవిత తరువాత దశ  సంవత్సరాలలో (అంటే 50 సంవత్సరాల పైన) ఈ జబ్బు ప్రారంభమవుతుంది మరియు ఇది కళ్ళు మరియు గొంతు కండరాలను దెబ్బ తీస్తుంది.
• ఎమిరీ-డ్రిఫస్ కండరాల క్షీణత (Emery-Dreifuss MD) - యవ్వనం తొలిదశలో మొదలవుతుంది మరియు చేతులు, మెడ మరియు పాదాల్లో కండరాల సంకోచాలు ఏర్పడుతాయ.

దీని ప్రధాన సంకేతాలు మరియు లక్షణాలు ఏమిటి?

ప్రారంభ లక్షణాలు:

• అసాధారణమైన నడకతీరు
• కండరాలలో పెడసరం మరియు నొప్పి
• పరుగెత్తేటపుడు మరియు దూకుతున్నపుడు చాలా కష్టం కల్గడం.
• కూర్చోవడం, లేవడం కష్టమైపోవడం
• కాలి మడమలపైన నడవడం
• నేర్చుకోవడంలో మరియు మాట్లాడడంలో అశక్తత  
• తరచుగా పడిపోవడం

కాలక్రమాన వచ్చే (ప్రోగ్రసివ్) లక్షణాలు:

• కదలికలు పరిమితమై పోవడం
• శ్వాస సమస్యలు
• వెన్నెముక వక్రత
• బలహీనమైన గుండె కండరాలు
• మింగడంలో సమస్యలు
• తగ్గిన ఆయుర్దాయం

దీనికి ప్రధాన కారణాలు ఏమిటి?

కండరాల క్షీణత (MD) అనేది జన్యువులలో ఉత్పరివర్తనల వలన సంభవించే జన్యుపరమైన రుగ్మత, ఈ జన్యువులు “డిస్ట్రోఫిన్” అని పిలువబడే కండర ప్రోటీన్ ఉత్పత్తికి బాధ్యత వహిస్తుంది. కండరాల క్షీణత యొక్క కుటుంబ చరిత్ర ఉన్న వ్యక్తి ఈ రుగ్మత బారిన పడే అవకాశాలు ఎక్కువగా ఉంటాయి. .

దీనిని ఎలా నిర్ధారణ చేస్తారు మరియు దీనికి చికిత్స ఏమిటి?

నిర్ధారణ:

• నిలబడడంలో, వస్తువుల్ని ఎత్తడంలో లేదా ఆటలు ఆడ్డంలో కష్టం కలగడం వంటి లక్షణాలను వ్యాధి నిర్ధారణ పరీక్ష పరిశోధన జరుపుతుంది.
• కుటుంబ చరిత్రను విశ్లేషించడం
• శారీరక పరిక్ష     
• క్రియేటిన్ కైనేస్ ను అంచనా వేసే రక్త పరీక్ష. కండరాలు దెబ్బతిన్నపుడు క్రియేటిన్ కైనేస్ రక్తంలోకి విడుదలవుతుంది. మరియు కండరాల కణాలు వ్యతిరేకంగా పని చేసే ప్రతిరక్షకాలను గుర్తించడం కోసం ఈ రక్త పరీక్ష.
• కండరాల సంకోచాలు మరియు నరాల ప్రేరణలను పరిశీలించడానికి కండరాల మరియు నరాలపై ఎలక్ట్రికల్ పరీక్ష
• కండరాల కణజాలంలో ప్రోటీన్లను సూక్ష్మ దర్శిని కింద పరిశీలించడానికి కండరకణజాల పరీక్ష (muscle biopsy), ఈ పరీక్ష కండర నమూనాను శరీరం  నుండి తీసుకునే ప్రక్రియను కలిగిఉంటుంది.
• MRI మరియు CT స్కాన్ ప్రభావిత కండరాల వివరణాత్మక చిత్రాలను వీక్షించడానికి మరియు కండరాల నష్టాన్ని గుర్తించడానికి
• శ్వాస మరియు గుండె లక్షణాలను పర్యవేక్షించడానికి ఛాతీ ఎక్స్-రే, ECG మరియు 2D ఎకోకార్డియోగ్రామ్
• డిస్ట్రోఫిన్ జన్యువులో ఉత్పరివర్తనాలను పరిశీలించడానికి జన్యు పరీక్ష

చికిత్స:

• ప్రస్తుతం, ఈ కండరాల క్షీణత జబ్బుకు (MD) ఎటువంటి నివాణా చికిత్స లేదు.
• కార్టికోస్టెరాయిడ్స్ మరియు గుండెరోగ ఔషధాల వంటి మందులు కండర క్షీణత (MD) యొక్క పురోగతిని మందగిస్తాయి మరియు లక్షణాలను తగ్గించడానికి సహాయపడతాయి. డ్యూచెన్నే కండర క్షీణత చికిత్సకు ఇటెప్లిర్సెన్ (Eteplirsen) అనే ఒక కొత్త ఔషధం వచ్చింది   .
• సాధారణ వ్యాయామాలు అవయవాల యొక్క అనివార్య లోపలి కదలికను నిరోధించవచ్చు.
• ఆక్సిజన్ డెలివరీ మెరుగుపరచడానికి శ్వాస సహాయం
• రోగి కదిలేందుకు వీలుగా ఉండటానికి “మొబిలిటీ ఎయిడ్స్” పనికొస్తాయి
• కండరాలు మరియు స్నాయువుల్ని విస్తరించి ఉంచి సౌకర్యవంతంగా ఉంచడానికి బ్రేస్లు సహాయపడతాయి.
• వెన్నెముక వక్రతను సరిచేయడానికి శస్త్రచికిత్స సిఫార్సు చేయబడింది.

1. National Health Service [Internet]. UK; Muscular dystrophy.
2. MedlinePlus Medical Encyclopedia: US National Library of Medicine; Muscular Dystrophy.
3. Center for Disease Control and Prevention [internet], Atlanta (GA): US Department of Health and Human Services; Muscular Dystrophy.
4. National Institute of Neurological Disorders and Stroke [internet]. US Department of Health and Human Services; Muscular Dystrophy Information Page.
5. Better health channel. Department of Health and Human Services [internet]. State government of Victoria; Muscular dystrophy.