రావి చెట్టు ఉపయోగాలు, ప్రయోజనాలు మరియు దుష్ప్రభావాలు - Uses, Benefits, and Side Effects of Peepal Tree in Telugu

తెగిన గాయాలు (cuts) లేదా కాలిన గాయాలు కారణంగా అయిన గాయాలను నయం చేయడానికి రావి చెట్టు యొక్క ఆకుల సారం బాగా ఉపయోగపడుతుంది, దీని ఆకులసారంలో అలాంటి గాయాన్ని మాన్పగల గుణాల్ని కలిగివుంది  ఒక అధ్యయనం ప్రకారం, ఈ గాయాలకు రావిఆకుల సారాన్నిపూసినపుడు తెగి గాయపడిన భాగాన్నిగణనీయంగా సంకోచింపచేసి త్వరగా మానేట్లుచేసింది, అంటే మామూలుగా మానే సమయాన్ని తగ్గించింది. రావి ఆకు రసంలోని గాయాన్ని మానిపే ఔషధ గుణం యొక్క ప్రభావం రావి ఆకు యొక్క మోతాదు పై ఆధారపడి పనిచేస్తుంది మరియు గాయానికి ఎంత తొందరగా రావి ఆకు రసాన్ని పూస్తే అంత త్వరగా గాయం మానుతుంది.

రావి చెట్టు (ఫికస్ రిలిజియోసా) వేరు యొక్క బెరడు సారం రక్త చక్కర స్థాయిల్ని (బ్లడ్ షుగర్ని) తగ్గిస్తుందని గుర్తించారు. ఈ అధ్యయనాల్లో తేలిందేమంటే రావిచెట్టు వేరు బెరడు సారాన్ని తగిన మోతాదుల్లో చక్కెరవ్యాధి రోగులకు సేవింపజేసినపుడు అది గణనీయమైన (యాంటీ-డయాబెటిక్) చక్కెరవ్యాధిని మానుపే గుణాన్ని కలిగి ఉందని, అంటే రక్తంలో చక్కెరను తగ్గించే గుణం ఉందని, తెలిసింది. రావిచెట్టు యొక్క వేరు సారం యొక్క హైపోగ్లైసిమిక్ లేదా బ్లడ్లో చక్కెరను తగ్గించే చర్య “సమ్మేళనం β- సిటోస్టెరోల్-డి-గ్లైకోసైడ్” ఉనికి కారణంగానే జరుగుతుందని తెలుస్తోంది. .

(మరింత చదువు: డయాబెటిస్ లక్షణాలు )

రావి చెట్టు ఆకులు నుండి తయారు చేసిన సారానికి పుండును మానిపే గుణం ఉంది.  ఇటీవల జరిపిన అధ్యయనం ప్రకారం, ఒత్తిడి పరిస్థితి వల్ల ఏర్పడే పుండ్లని అవి ఏర్పడకుండా నిరోధించే ఔషధ గుణం రావిచెట్టు ఆకు రసానికి లేదా సారానికి ఉందని తెలిసింది.  

పుండు నివారణ చర్య  (లేదా యొక్క యంత్రాంగాన్ని) ను ఫ్లేవానాయిడ్స్ వంటి జీవక్రియాశీల సమ్మేళనాల కారణంగా  జరుగుతుంది. ఏమైనప్పటికీ, రావి చెట్టు యొక్క ఆకు సారం ద్వారా ప్రదర్శించబడిన పండ్లను మానిపే గుణం యొక్క ఖచ్చితమైన యంత్రాంగం ఏర్పాటు గురించిన వివరాల్ని అధ్యయనాలు ఇంకా  తేల్చాల్సి ఉంది.

రావి చెట్టు (ఫికస్ రిలిజియోసా-Ficus religiosa) యొక్క ఆకు మరియు బెరడు సారం వాపు నిరోధకంగా మరియు నొప్పి నివారణి (అనాల్జేసిక్ ) గా పని చేస్తుంది. ఆయుర్వేద వైద్యంలో పంటి నొప్పి (toothaches) నివారిణిగా రావి చెట్టు బెరడు సారాన్ని ఉపయోగించవచ్చని సూచించింది.

రావి చెట్టు యొక్క బెరడును సంప్రదాయకంగా వాపు తగ్గించడానికి భారతీయ జానపద ఔషధం (folk medicine) లో కూడా ఉపయోగించబడుతోంది. రావిచెట్టు ఆకు మరియు బెరడు సారాంశాల్లోని తానినాలు (tannins) మరియు ప్రేరకద్రవ్యాలు (steroids) వంటి జీవక్రియాశీల పదార్థాల ఉనికివల్ల శరీరంలో వాపు మరియు నొప్పి నివారణ అవుతుందని అధ్యయనాలు కనుగొన్నాయి. 

రావిచెట్టు చెట్టు యొక్క వివిధ భాగాలోని ఈథనాల్ (ethanolic) సంబంధమైన మరియు  సజల పదార్దాలు (aqueous) స్టాపైలాకోకస్ , సాల్మోనెల్లా పరాటిఫి, సాల్మోనెల్లా ఔరియుస్ , సాల్మోనెల్లా టిఫి, షిగెల్లా డైసేంటి రియే, సూడోమొనాస్ ఎరుగినోస , బాసిల్లస్ సబ్టిల్లీస్ మరియు ఎస్చేరిచియా కోలి  వంటి వివిధ సూక్ష్మజీవుల విరుద్దంగా పనిచేస్తాయని కనుక్కోబడింది.

పత్రహరితభరితమైన (chlorophyll) రావి చెట్టు యొక్క పండ్ల సారం అజోబాక్టర్ క్రూకోకమ్ , బాసిల్లస్ మెగటేరియం , బాసిల్లస్ సెరెయస్ , స్ట్రెప్టోమైసిన్ లాక్టిస్ , స్ట్రెప్టోకోకస్ ఫెకాలిస్ మరియు క్లబ్సియెల్లా న్యుమోనియాలకు వ్యతిరేకంగా గణనీయమైన చర్యలను చూపించిందని మరొక అధ్యయనం కనుగొంది . అంతేకాకుండా, రావి చెట్టు యొక్క సారాంశాలు ఆస్పెర్గిల్లస్ నైగర్ మరియు పెన్సిలియం నోటాటముల విరుద్ధంగా కూడా పని చేశాయని అధ్యయనంలో తెలిసింది.

రావిచెట్టు బెరడు సారం హేమాంచస్ కాంటోర్దస్ (Haemonchus contortus) పురుగుల. విరుద్ధంగా కూడా పని చేస్తుందని కనుక్కోబడింది. వివిధ రకాలైన పరాన్నజీవి క్రిములు మనుషులకు వివిధ రకాల వ్యాధులకు కారణమవుతాయి. పేగులలో ఏలిక పాముల వలన కలిగే జబ్బు “ఆస్కారియాసిస్,” ఈ జబ్బుకు కారణమయ్యే ‘అస్కారిస్’ అనే పరాన్నజీవికి  రావిచెట్టు సారం ప్రాణాంతకంగా పని చేస్తుంది. రావిచెట్టులోని లేటెక్స్ రబ్బరులోని ఫిసిన్ (ficin) అనే పదార్ధం పరాన్నజీవి క్రిములవిరుధ్ధంగా యాంట్ హెల్మింటిక్ (anthelmintic) చర్య తీసుకుంటుంది.

రావిచెట్టు బెరడు మరియు రావి చెట్టు పండ్లు ఓ బలమైన ప్రతిక్షకారిని లక్షణాలు కలిగి ఉన్నట్లు గుర్తించారు. రావి పండ్లు మరియు బెరడు నుండి లభించే సజల సారం స్వేచ్ఛా రాశుల్ని  (ఇవి శరీర అంతర్గత అవయవాలకు నష్టం కలిగిస్తాయి) తటస్థీకరించి ఆక్సీకరణ ఒత్తిడిని తగ్గిస్తుంది. రావి ఆకు సారం “నైట్రిక్ ఆక్సైడ్లు” అనబడే మరొక రకం స్వేచ్ఛా రాశు (ఫ్రీ రాడికల్స్)ల ఉత్పత్తిని నిరోధిస్తుంది, అందుచే రావిచెట్టు యాంటీఆక్సిడెంట్ గుణం కల్గి  పని చేస్తుంది.

(మరింత చదువు: యాంటీఆక్సిడెంట్లు)

రావిచెట్టునే ‘అశ్వత్థ’ వృక్షమంటారు. రావిచెట్టు బెరడు నుండి తీసిన సారంలో రోగనిరోధకతను పెంచే  తత్వాలున్నాయని కనుక్కోబడింది. అధ్యయనాల ప్రకారం, రావిచెట్టు బెరడు పదార్దాల్ని తగిన మోతాదుల్లో సేవిస్తే కణసంబంధమైన మరియు ప్రతిరక్షక స్పందనను ఉత్పత్తి చేయగల సామర్థ్యాన్ని మన శరీరానికి కలిగిస్తాయి. రావిచెట్టు బెరడులోని సారం యొక్క రోగనిరోధక వ్యవస్థను ఉత్తేజపరిచే ఖచ్చితమైన యంత్రాంగ సామర్థ్యాన్ని ధృవీకరించే పరిశోధనలు మరింత అవసరం.   

రావి చెట్టు యొక్క వివిధ భాగాల నుంచి తీసిన సారం సేవించడంవల్ల తక్కువ సాంద్రత కలిగిన లిపోప్రొటీన్ల (చెడు కొవ్వుల్ని) ను తగ్గించడానికి వీలవుతుందని అధ్యయనాల ద్వారా ప్రదర్శించబడింది.  మలవిసర్జనలో మలంద్వారా రక్తంలోని కొవ్వు (కొలెస్ట్రాల్) విసర్జింపబడిపోవడంవల్ల “హైపోకొలెస్టెరోమిక్” అనబడే రక్తంలో కొవ్వు తగ్గిన (కొలెస్ట్రాల్-తగ్గిన రుగ్మత) వ్యాధి సంభవిస్తుంది. అయినప్పటికీ, ఈ పరిశోధనలు రావిచెట్టు యొక్క ‘చెడు కొవ్వును తగ్గించే తత్వా’న్ని స్థాపించడానికి మరిన్ని అధ్యయనాలు అవసరం.

(మరింత చదువు: అధిక కొలెస్ట్రాల్ లక్షణాలు)

కేంద్ర నాడీ వ్యవస్థకు సంబంధించిన అనేక వ్యాధులకు చికిత్స చేసేందుకు రావి చెట్టు (ఫికస్ రెలిజియోసా) నుండి తయారు చేసిన మందును జానపద వైద్యంలో విస్తృతంగా ఉపయోగించబడింది. మూర్ఛ చికిత్సకు జానపద వైద్యాల్లో రావిచెట్టు ఉపయోగం గురించిన నివేదికలు కూడా ఉన్నాయి. రావి చెట్టు యొక్క సారం మూర్ఛను తగ్గించడంలో ప్రభావాన్ని చూపుతుంది, ఇది మూర్ఛను తగ్గిస్తుంది, అందుకే మూర్ఛవ్యాధి చికిత్సకు రావిచెట్టు మందు ఉపయోగించబడుతుంది. కండరాలపై సడలించే ప్రభావాన్ని ఉత్పత్తి చేసే ‘సిప్రోహెఫ్తాడైన్’ (cyproheptadine) అని పిలువబడే ఒక జీవ క్రియాత్మక సమ్మేళనం కారణంగా రావి సారంలో మూర్ఛ-వ్యతిరేక ప్రభావం ఉందని అధ్యయనాలు కనుగొన్నాయి.

(మరింత సమాచారం: మూర్ఛలు)

భారతదేశంలో, అనేకమంది సంప్రదాయ ఔషధ అభ్యాసకులు (traditional medical practitioners)రావి చెట్టు (ఫిక్కస్ రిషిలియాయో) యొక్క కాండం బెరడు నుండి తయారు చేసిన నిర్దిష్ట మూలికా మందుల్ని జ్ఞాపకశక్తి నష్టం మరియు వివిధ నరసంబంధమైన  న్యూరోడెజెనరేటివ్ ( పతనమైపోయే నాడీ కణాలు) రుగ్మతల చికిత్సకు సిఫార్సు చేస్తారు .

రావి చెట్టు  యొక్క కాండం బెరడు నుండి తీసిన మిథనాలిక్ సారానికి శక్తివంతమైన ఎసిటైల్కోలినెస్టెరాస్ (acetylcholinesterase-అసిటైల్ కోలిన్ యొక్క పతనానికి కారణమయ్యే ఎంజైమ్) నిరోధక తత్వాన్ని కలిగి ఉంటుంది, ఇది అల్జీమర్స్ వంటి వ్యాధుల చికిత్సకు ఉపయోగకరంగా ఉంటుంది .

అల్జీమర్స్ వ్యాధికి కారణం అసిటైల్కోలిన్ వేగవంతంగా పతనమవడమే, అంటే జ్ఞాపకశక్తి కోల్పోవడానికి కారణం. 2014 లో నిర్వహించిన ఒక అధ్యయనంలో కనుగొన్న ఫలితాల ప్రకారం, రావిచెట్టు సారంలో ఉన్న అనేక జీవక్రియాశీల పదార్థాలకు నాడీ కణజాల పెరుగుదలను ప్రోత్సహించడంతో పాటు అసిటైల్కోలిన్ ఎస్టేరేజ్ యొక్క చర్యను నిరోధించే సామర్థ్యం ఉందని నిరూపించబడింది. రావిచెట్టు యొక్క కాండం బెరడు నుండి తీసిన సారం మెదడుకు సంబంధించిన రుగ్మతల చికిత్సకు కూడా ఒక సంభావ్య మందు.

మన నాడీ వ్యవస్థలో అన్ని నాడి కణాలకు సంకేతాలను అందించే “డోపమైన్” అనబడే న్యూరోట్రాన్స్మిటర్ ను కోల్పోవటంవల్ల ‘పార్కిన్సన్స్’ వ్యాధి సంభవిస్తుంది. ఈ వ్యాధి వలన చిత్తవైకల్యం, కండరాల కాఠిన్యత ఇతర రుగ్మతలక్షణాలు కల్గుతాయి. న్యూరోట్రాన్స్మిటర్ అయిన డోపామైన్ యొక్క జీవక్రియను దెబ్బ తీసే కారకాల్లో ఆక్సీకరణ ఒత్తిడి ఒకటి, ఈ ఆక్సీకరణ ఒత్తిడి వల్లనే పార్కిన్సన్స్ వ్యాధి సంభవిస్తోంది.

రావిచెట్టు ప్రభావాలపై జరిపిన పరిశోధనలో లభించిన సాక్ష్యం ప్రకారం రావి చెట్టు ఆకు రసం యొక్క యాంటీ-ఆక్సిడైజింగ్ తత్త్వం పార్కిన్సన్స్ వ్యాధికి వ్యతిరేకంగా పని చేస్తుంది.  పార్కిన్సన్స్ వ్యాధిపై అనామ్లజనకాల యొక్క యాంత్రిక విధానం అంచనా మరియు వ్యాధిపై దాని ప్రభావంపై మరిన్ని అధ్యయనాలు జరగాల్సి ఉంది.

రావిచెట్టుని ‘బోధి వృక్షం’ అని కూడా పిలుస్తారు. రావి చెట్టు యొక్క అన్ని భాగాలూ, అంటే, ఆకులు, బెరడు, వేర్లు, మరియు పండ్లు, క్యాన్సర్ వ్యతిరేక లక్షణాలను కలిగి ఉన్నట్లు గుర్తించబడ్డాయి. 2012 లో జరిపిన ఒక అధ్యయనంలో, రావి చెట్టు నుంచి సేకరించిన పదార్ధాలు కణిత కణాలపై పనిచేసి కణ పెరుగుదలను నిరోధిస్తాయి (యాంటిప్రోలిఫెరేటివ్ గా) అని మరియు కణాల్ని చంపేస్తాయనీ (అపోప్టోసిస్ గా పని చేస్తుంది) నిరూపించబడింది.

రావి చెట్టు  సారం యొక్క గడ్డల పెరుగుదలను నిరోదించే (యాంటీ-ప్రోలిఫెరిటేటివ్ గా పని  చేస్తుంది) ప్రభావానికి కారణాలేవంటే దాని యొక్క జీవరసాయానిక యంత్రంగాన్ని మార్చగల సామర్థ్యం, కణవిస్తార (సెల్ ప్రోలిఫెరేషన్) నిరోధక సామర్థ్యం, కణ చక్రం యొక్క నిరోధం మరియు కణాల్ని చంపేసే సామర్థ్యం. .

రావి చెట్టు యొక్క జీవక్రియాశీల (బయో ఏక్టివ్) భాగాలకు, ప్రత్యేకించి ఆకు సారానికి, కణాల లోపలే ప్రతిచర్య కల్గిన (రియాక్టివ్) ఆక్సిజన్ జాతుల ద్వారా, కణ మరణాన్ని (అపోప్టోసిస్ను) ప్రేరేపించగల సామర్థ్యం ఉంటుంది. ఈ ప్రతిచర్య ఆక్సిజెన్ జాతులు (స్వేచ్ఛా రాశులకు సంబంధించినవివి) పెరుగుతున్న కణాల వేగవంతమైన మరణానికి మధ్యవర్తిత్వం చేస్తాయి, తద్వారా రావి చెట్టు  సారం యొక్క క్యాన్సర్ వ్యతిరేక తత్వానికి దోహదం చేస్తుంది.

(మరింత చదువు: క్యాన్సర్ చికిత్స)