குழந்தைகளுக்கு ஏற்படும் நீர்ச்சத்துக் குறைவு - Dehydration in Children in Tamil

குழந்தைகளுக்கு ஏற்படும் நீர்ச்சத்துக் குறைவு என்றால் என்ன?

நீர்ச்சத்துக் குறைவு என்பது உடலில் போதுமான அளவு தண்ணீர் இல்லாத ஒரு நிலைமை ஆகும். குழந்தைகள் மிக விரைவாக நீர்ச்சத்தை இழந்து விடுவார்கள் எனவே நீர்ச்சத்துக் குறைவு என்பது குழந்தைகளுக்கு ஏற்படும் பொதுவான நோயாகும். குழந்தைகளுக்கு சிலநேரங்களில் தாகம் அல்லது நீர்ச்சத்துக் குறைவு ஏற்பட்டுள்ளது என தெரியாது அல்லது நீர்ச்சத்துக் குறைவைப் பற்றி கவனிக்கப்படுவது மிகவும் பின்தங்கியுள்ளது. விளையாடும்போது அதிகமாக வியர்த்து கொட்டுதல் அல்லது அடிக்கடி சிறுநீர் கழித்தல் ஆகியன நீர்ச்சத்துக் குறைவுக்கு காரணங்களாகும்.

நோயின் முக்கிய தாக்கங்கள் மற்றும் அறிகுறிகள் யாவை?

குழந்தைகளுக்கு ஏற்படும் நீர்ச்சத்துக் குறைவுக்கு காரணமான தாக்கங்கள் மற்றும் அறிகுறிகள் பின்வருமாறு:

• மெதுவாக அல்லது மந்தமாக இயங்குதல்.
• எரிச்சலூட்டும் தன்மை.
• அடிக்கடி சிறுநீர் கழித்தல் குறைந்து போதல்.
• அழும்போது கண்ணீர் வராமல் இருத்தல், கண்கள் வறண்டு போதல்.
• குழந்தைகளின் உச்சந்தலையில் இருக்கும் மென்மையான இடம் உள்ளே அமுங்கி போதல்.
• குழியான, அமுங்கி போன கண்கள்.
• வாயில் ஏற்படும் சளிப்படலம் வறட்சியாக இருத்தல் அல்லது ஒட்டிப்போதல்.

நோய் தாக்குதலுக்கான முக்கிய காரணங்கள் என்ன?

குழந்தைகளுக்கு ஏற்படும் நீர்ச்சத்துக் குறைவுக்கு பல காரணங்கள் உண்டு. அவை:

• விளையாடும் போது அல்லது கோடை காலங்களில் அதிகமாக வியர்த்தல்.
• வாந்தி, காய்ச்சல் மற்றும்/அல்லது வயிற்றுப்போக்கு.
• வாய் புண்கள் அல்லது சாப்பிடும்போதோ அல்லது குடிக்கும்போதோ புண்களில் மிகுந்த வலி ஏற்படுதல்.
• சால்மோனெல்லா போன்ற பாக்ட்ரியாவால் ஏற்படும் தொற்று அல்லது ஜியர்டயாசிஸ் போன்ற ஒட்டுண்ணிகளால் ஏற்படும் தொற்று.
• நீர்க்கட்டி ஃபைப்ரோசிஸ் அல்லது உடற்குழி நோய்.
• அடிக்கடி சிறுநீர் கழித்தல் - பெரும்பாலும் நீரிழிவு நோய், சிறுநீர் பாதை நோய் தோற்று, சிறுநீரக கல் காரணமாக ஏற்படுகிறது.

இது எப்படி கண்டறியப்பட்டு சிகிச்சையளிக்கப்படுகின்றது?

பொதுவாக மருத்துவர் செய்யும் உடற்பரிசோதனை குழந்தைகளுக்கு ஏற்படும் நீர்ச்சத்துக் குறைவை கண்டுபிடிக்க போதுமானதாகும். எனினும், மருத்துவர் எந்த ஒரு எலக்ட்ரோலைட் அசாதாரணங்கள் அல்லது நோய்த்தொற்றுக்கும் இரத்த பரிசோதனை மேற்கொள்ளச் சொல்லுவார் மற்றும் சிறுநீர் அடிக்கடி வெளியேறினால் இரத்தத்தில் உள்ள சர்க்கரையையும் பரிசோதனை செய்வார். சிறுநீர்ப்பை தொற்று மற்றும் நீரிழிவு நோயைக் கண்டறிய சிறுநீர் மாதிரிகள் சேமிக்கப்படலாம். மார்பில் எடுக்கப்படும் எக்ஸ்-கதிர்கள் (எக்ஸ் - ரே) சோதனை, மலச்சிக்கல் பற்றிய சோதனை அல்லது ரோட்டாவைரஸ் பரிசோதனை ஆகியவற்றுக்கும் பரிந்துரைக்கலாம்.

நீர்ச்சத்துக் குறைவுக்கு முக்கியமான சிகிச்சை முறை உடலின் தண்ணீர் இழப்பை ஈடுசெய்தல் ஆகும். சில காலத்திற்கு தாய் தன் குழந்தையை அடிக்கடி கவனித்துக்கொள்ளுதல் அவசியம். நீர்ச்சத்துக் குறைவு சற்று குறைவாக இருக்கும் பட்சத்தில், எளிமையாக வீட்டிலேயே வைத்து வாய்வழியாக உட்கொள்ளும் மருந்துகளை பொதுவாக மருத்துவர் பரிந்துரைப்பார். BRAT உணவுமுறை (வாழைப்பழம், அரிசி, ஆப்பிள் மற்றும் வாட்டிய ரொட்டி) போன்ற சில சுயபாதுகாப்பு வழிமுறைகளையும் பரிந்துரைப்பார். முதலுதவி தேவைக்கு தேங்காய் தண்ணீர், எலுமிச்சை பானம், மோர் மற்றும் தண்ணீர் போன்றவற்றை அதிகம் குடிக்க வேண்டும். சில நிமிடங்களுக்கு ஒரு முறை குழந்தைகளுக்கு பருக திரவ உணவு வழங்கப்பட வேண்டும்.

நீர்ச்சத்துக் குறைவின் சில வழக்குகளில், 5 முதல் 10% வரையிலான உடல் எடை குறைந்துள்ள நிலையில், மருத்துவர்கள் நரம்புகளில் திரவங்களை செலுத்தி நீர்ச்சத்துக் குறைவை (IV) நிர்வகிக்கிறார்கள் மற்றும் குழந்தை வாய்வழி உட்கொள்ளமுடியும் என்றால் குழந்தை வீட்டிற்கு அனுப்பப்படும். கடுமையான சந்தர்ப்பங்களில், உடல் எடை 15% அதிகமாக குறைந்தால், நல்ல கவனிப்பு, சிரைவழி மருந்து உட்செலுத்தல் மற்றும் பிற ஆய்வுகளுக்காக குழந்தைகள் மருத்துவமனையில் அனுமதிக்கப்படுகிறார்கள்.

1. American Academy of Family Physicians. Diagnosis and Management of Dehydration in Children. Am Fam Physician. 2009 Oct 1;80(7):692-696.
2. Gorelick MH et al. Validity and reliability of clinical signs in the diagnosis of dehydration in children.. Pediatrics. 1997 May;99(5):E6. PMID: 9113963
3. Zodpey SP et al. Risk factors for development of dehydration in children aged under five who have acute watery diarrhoea: a case-control study.. Public Health. 1998 Jul;112(4):233-6. PMID: 9724946
4. The Nemours Foundation. Dehydration. [Internet]
5. MedlinePlus Medical Encyclopedia: US National Library of Medicine; Dehydration