సైలియం ఊక ప్రయోజనాలు, ఉపయోగాలు మరియు దుష్ప్రభావాలు - Psyllium Husk (Isabgol) Benefits, Uses and Side Effects in Telugu

మలబద్ధకం అన్నది ప్రేగు కదలికలు సక్రమంగా లేకపోవడం లేదా విరేచనాలు కావడం కష్టతరంగా ఉండేటటువంటి ఒక పరిస్థితి.  ఈ పరిస్థితి తరచుగా కడుపు నొప్పి, ఉబ్బరం మరియు ఆకలి కోల్పోవడం‌తో సంబంధం కలిగి ఉంటుంది. సైలియం ఊకను మలబద్ధకం  చికిత్స కోసం ఉపయోగించవచ్చని అనేక అధ్యయనాలు సూచించాయి.   సైలియం ఊక యొక్క వినియోగం మలం‌లో నీటి కంటెంట్‌ను పెంచింది మరియు ప్రేగు కదలికల్ని సులభతరం చేసిందని దీర్ఘకాల మలబద్ధకం‌తో ఉన్న170 అంశాలపై చేసిన ఒక క్లినికల్ అధ్యయనం వెల్లడించింది.   సైలియం ఊక యొక్క లాక్సేటివ్ పొటె‌‌న్షియల్‌ను మెరుగుపరిచేందుకు పెక్టిన్ మరియు సెల్యులోజ్ వంటి పీచు పదార్థాలతో సైలియం‌ ఊకను ఉపయోగించవచ్చని ఒక పాత అధ్యయనం చూపించింది. ఈ రెండు ఫైబర్లు సాధారణంగా బెర్రీలు మరియు ఆపిల్ వంటి పండ్లలో కనిపిస్తాయి.  పెక్టిన్ లేదా సెల్యులోజ్‌లను సైలియం ఊకతో జోడించడం అన్నది సైలియం ఊక యొక్క చప్పిడి రుచిని వదిలించుకోవడం‌లో కూడా సహాయపడుతుంది.  సైలియం ఊకలో ఉన్న పాలీశాచరైడ్లు మరియు దానియొక్క జెల్-ఫార్మింగ్ సామర్థ్యాలు మలబధ్ధకం నివారించడానికి సహాయపడతాయని మరొక అధ్యయనం సూచించింది. 

(మరింత చదవండి: జీర్ణక్రియను మెరుగుపరచడం ఎలా)

డయాబెటిస్ అన్నది ఒక ఎండోక్రైన్ రుగ్మత, ఈ రుగ్మతలో మన శరీరంలో గ్లూకోజ్ జీవక్రియలకు ఉపయోగపడదు, రక్తం‌లో ఈ చక్కెరలు ఒకే చోట చేరడానికి కారణమవుతుంది.  డయాబెటిస్ పూర్తిగా నయం చేయడం సాధ్యం కానప్పటికీ, ఆహారం‌లో సాధారణ మార్పులు చేయడం ద్వారా ఇది నిర్వహించబడుతుంది.  ది అమెరికన్ డయాబెటిస్ అసోసియేషన్ ప్రకారం, ఫైబర్ సమృద్దిగా కలిగిన ఆహారం,  డయాబెటిస్ ను నియంత్రణలో ఉంచడానికి ఉపయోగకరంగా ఉంటుంది.

2 వారాల వ్యవధికి ఇవ్వబడిన సైలియం ఊక యొక్క సప్లిమెంటేషన్ అన్నది రక్త గ్లూకోజ్ స్థాయిల్లో గణనీయమైన తగ్గింపు చూపించిందని, టైప్ 2 డయాబెటిస్ మరియు అధిక కొలెస్ట్రాల్ స్థాయిలు కలిగిన 34 మంది పురుషులపై జరిగిన ఒక క్లినికల్ అధ్యయనం తెలియజేసింది.  టైప్ 2 డయాబెటిస్ గల వ్యక్తులలో సైలియం ఊక యొక్క వినియోగం సురక్షితమని ఇది సూచిస్తుంది.

తరచుగా మనం భోజనానికి, భోజనానికి మధ్య ఆకలి అనుభూతిని పొందుతుంటాము.  అటువంటి సమయం‌లో, మనం ఆరోగ్యకరం కాని అల్పాహారం పైన కోరిక కలిగియుంటాము.   కడుపు ఖాళీ మరియు ఆకలి మధ్య సహసంబంధాన్ని విశ్లేషించడానికి జరిగిన ఒక పరిశోధనలో, భోజనం తర్వాత కడుపు ఖాళీ అవడం కోసం తీసుకునే సమయాన్ని సైలియం ఊక గణనీయంగా పెంచడం కనిపించింది.  ఫైబర్ సమృద్ధిగా కలిగి ఉండడం వల్ల, సైలియం ఊక కూడా కడుపునిండిన అనుభూతిని పెంచుతుంది, తద్వారా భోజనానికి, భోజనానికి మధ్య ఆకలి బాధను తగ్గిస్తుంది.

(మరింత చదవండి: సమతుల్య ఆహార పట్టిక)

రక్తం‌లో అధిక కొలెస్ట్రాల్ అనగా గుండె వ్యాధులను పొందడానికి అధిక ప్రమాదము ఉన్నదని అర్థము.  అధిక స్థాయిలో కొలెస్ట్రాల్ కలిగిన వ్యక్తులు గుండె పోటు మరియు గుండె స్థంభనకు ఎక్కువ లోనయ్యే అవకాశం ఉంది.  శరీరంలోని కొలెస్ట్రాల్ స్థాయిలు తగ్గేందుకు సైలియం ఊక సహాయం చేస్తుందని అధ్యయనాలు వెల్లడిస్తున్నాయి.  ఒక రోజుకు మూడు సార్లుగా ఆరువారాల పాటు సైలియం ఊకను వినియోగిస్తామని అడిగిన 125 మంది డయాబెటిక్ రోగులపైన ఒక అధ్యయనం జరిగింది.   మొత్తం కొలెస్ట్రాల్ స్థాయి (టిసి), ట్రైగ్లిసరైడ్ స్థాయి మరియు చెడు కొలెస్ట్రాల్ స్థాయి (ఎల్‌డి‌ఎల్) లో గణనీయమైన తగ్గుదల ఉన్నదని అధ్యయనం యొక్క ఫలితాలు సూచించాయి.  మంచి కొలెస్ట్రాల్ (హెచ్‌డి‌ఎల్) యొక్క స్థాయిలో పెరుగుదల కూడా ఇక్కడ ఉంది.  

ఫైబర్ సమృద్ధిగా కలిగిన సైలియం ఊక యొక్క వినియోగం చెడు కొలెస్ట్రాల్ యొక్క స్థాయి (ఎల్‌డి‌ఎల్) లో 8% క్షీణతకు దారితీసిందని 15 - 16 సంవత్సరాల మధ్య వయస్సు ఉన్న 47 మంది ఊబకాయ పురుషుల పైన నిర్వహించిన ఒక అధ్యయనం చూపించింది.

సైలియం ఊక చెడు కొలెస్ట్రాల్ స్థాయి (ఎల్‌డి‌ఎల్)ని తగ్గించడంలో సహాయం చేస్తుంది మరియు బైల్ ఆసిడ్ సంశ్లేషణను ఉత్తేజపరచడం ద్వారా రక్తం‌లోనికి కొలెస్ట్రాల్ యొక్క శోషణను తగ్గించడం‌లో సహాయం చేస్తుందని అధిక స్థాయిలో కొలెస్ట్రాల్ ఉన్న 20 అంశాలపైన జరిగిన మరొక క్లినికల్ అధ్యయనం సూచించింది.

(మరింత చదవండి: అధిక కొలెస్ట్రాల్ చికిత్స)

అతిసారం అన్నది, అసాధారణంగా తరచూ నీటి విరేచనాల లక్షణాలు కలిగి ఉండే ఒక విధమైన స్థితి.  సైలియం ఊక అతిసారం నివారించడానికి సహాయపడుతుందని పరిశోధన వెల్లడిస్తుంది.  సైలియం ఊక, భోజనం యొక్క స్థిరత్వం పెంచడం ద్వారా కడుపు ఖాళీ కావడాన్ని ఆలస్యం చేస్తుంది మరియు తీసుకున్న ఆహారం పెద్ద ప్రేగు చేరుకోవడానికి పట్టే సమయాన్ని తగ్గిస్తుందని 8 మంది వ్యక్తుల పైన జరిగిన ఒక క్లినికల్ అధ్యయనం సూచించింది.  ప్రకోప ప్రేగు సిండ్రో‌మ్ మరియు అతిసారంతో బాధపడుతున్న ప్రజలకు ఇది ముఖ్యంగా ప్రయోజనకరమైనది.  

అతిసారం అన్నది, క్యా‌న్సర్ రోగులలో రేడియో ధార్మిక చికిత్స యొక్క అతి సాధారణ దుష్ప్రభావాలలో ఒకటి.  క్యా‌న్సర్ రోగులలో రేడియో ధార్మికత తర్వాత, అతిసారం యొక్క తరచుదనం మరియు తీవ్రతను నిరోధించడానికి సైలియం ఊక సహాయపడుతుందని అధ్యయనాలు వెల్లడిస్తున్నాయి.

అతిసార వ్యాధి లేదా జిగట విరేచనాలు అన్నది, ప్రేగు పరాన్నజీవి వలన కలుగుతుంది,   ఎంటమీబా హిస్టోలిటికా. ఈ పరిస్థితి యొక్క సాధారణ లక్షణాలుగా, కడుపు తిమ్మిరి మరియు అతిసారం‌ను కలిగిఉన్నాయి.  సంప్రదాయకంగా, సైలియం ఊకను జిగట విరేచనాల కోసం నివారణగా ఉపయోగిస్తారు.  సైలియం ఊకలో ఉండే కొన్ని క్రియాశీలక సమ్మేళనాలు,  ఎంటామీబా హిస్టోలిటికా మరియు ఇ. డయాపర్ కు వ్యతిరేకంగా నిరోధక ప్రభావాలు కలిగి ఉంటాయని ఒక పరిశోధన సూచించింది.   సైలియం యొక్క ముడి పదార్థాలు, ఒక మి.లీ.కు 1 నుండి 10 మి.గ్రా. గాఢత వరకు సమర్థవంతమైన అమీబిసిడల్స్‌గా ఉంటాయని, అందువల్ల వాటిని జిగట విరేచనాల చికిత్సలో ఉపయోగించవచ్చని పరిశోధన తర్వాత వెల్లడించింది.

అల్సరేటివ్ కొలిటిస్ అన్నది కొలొన్ లేదా పెద్ద ప్రేగును ప్రభావితం చేసే ఒక స్థితి మరియు ఇది సాధారణంగా మంట మరియు చికాకు ద్వారా వర్గీకరించబడుతుంది.  ఒకవేళ దీనిని చికిత్స చేయకుండా వదిలేస్తే, ఇది ప్రేగు ‌క్యా‌న్సర్‌కు దారితీయవచ్చు.  మెసలమెయిన్ అన్నది  అల్సరేటివ్ కొలిటిస్ చికిత్సకు ఉపయోగించే మందులలో ఒకటి.  

వ్రణోత్పత్తి పెద్ద ప్రేగుతో ఉన్న150 మంది రోగులకు చేసిన ఒక క్లినికల్ ట్రయల్‌లో, వ్రణోత్పత్తి పెద్ద ప్రేగు చికిత్సలో  సైలియం ఊకను నోటి ద్వారా ఇవ్వడం అన్నది, మెసలమెయిన్ కంటే సైలియం ఊక చాలా ప్రభావవంతమైనదని కనుగొనబడింది.

రక్తపోటు అన్నది శరీరం గుండా రక్తాన్ని పంపించడానికి గుండె ఉపయోగించే ఒక బలం.  అధిక రక్తపోటు సాధారణంగా ఏ విధమైన తక్షణ లక్షణాలు కలిగిఉండదు.  అయితే, ఒకవేళ ఈ పరిస్థితికి చికిత్స చేయకపోతే, అది గుండె వ్యాధులు మరియు గుండె స్తంభనకు దారితీస్తుంది.  ప్రొటీన్ మరియు ఫైబర్ తక్కువగా ఉండే ఆహారం అధిక రక్తపోటుతో సంబంధం కలిగి ఉంటుందని పరిశోధన సూచిస్తుంది.  సైలియం ఊక అన్నది ఆహార ఫైబర్ యొక్క ఒక గొప్ప వనరు.

సైలియం ఊక యొక్క వినియోగం  అధిక రక్తపోటు ను నియంత్రిస్తుందా అన్నది తెలుసుకోవడానికి 36 మంది హైపర్‌టె‌న్సివ్ (అధిక రక్తపోటు) రోగుల పైన క్లినికల్ అధ్యయనం చేయడం జరిగింది.  5.9 మిమి Hg రక్తపీడనం తగ్గిందని అధ్యయన ఫలితాలు వెల్లడించాయి (5.9 మిల్లిమీటర్ల పాదరసం).  సైలియం ఊక యొక్క హైపోటె‌న్సివ్ (రక్తపోటు తగ్గించడం) ప్రభావాలు లింగం, వయస్సు లేదా బరువు ద్వారా ప్రభావితం చెందవని ఈ అధ్యయన ఫలితాలు తర్వాత తెలియజేసాయి.