నువ్వుల నూనె ప్రయోజనాలు, ఉపయోగాలు మరియు దుష్ప్రభావాలు - Sesame oil Benefits, Uses and Side effects in Telugu

నువ్వుల నూనె వివిధ రకాల పోషకాలను కలిగిఉంటుంది, ఈ పోషకాలు మీ జుట్టుకు ఖచ్చితమైన పోషక నూనెగా దీనిని తయారుచేసాయి. అయితే, నువ్వుల నూనెలో ఉండే క్రియాశీల భాగాలు మీ జుట్టుకు ఇతర ప్రయోజనాలను కూడా సమకూరుస్తాయి. మీ జూలు కోసం నువ్వుల నూనె మర్థన ఏమి చేస్తుందో మనం పరిశీలిద్దాము.    

• పొడిదనం మరియు దురదను తొలగించి, మీ వెంట్రుకలు మరియు స్కాల్ప్ తేమగా ఉండేందుకు నువ్వుల నూనె సహాయం చేస్తుంది,
• నువ్వుల నూనె యొక్క యాంటిబ్యాక్టీరియల్ మరియు యాంటిఫంగల్ లక్షణాలు ఇతర పదార్థాలు మరియు ఇతర వ్యాధికారకాల నుండి స్కాల్ప్‌ ను సంరక్షించడం‌లో సహాయం చేస్తుంది. ఇది జుట్టు యొక్క సహజ రంగును నిలబెట్టుకోవడం‌లో మరియు జుట్టు మూలాలను బలపరచడం‌లో ఉపయోగకరంగా ఉంటుందని కూడా కనుగొనబడింది.  
• మీ జుట్టు ఉపరితలం‌పై రక్షణ పూతను ఏర్పాటుచేయడం ద్వారా యువి కిరణాల నష్టం నుండి మీ జుట్టును నువ్వుల నూనె రక్షిస్తుంది.
• మీ సహజ నల్లని వెంట్రుకలతో మీరు మీ జుట్టును అలాగే ఉంచి, జుట్టు నెరయడాన్ని నిరోధిస్తుందని కూడా తెలియజేయబడింది. 

జుట్టు ప్రయోజనాల వలెనే, చర్మ సంరక్షణ కోసం కూడా నువ్వుల నూనె చాలా ఉపయోగకరమైనది. ఆరోగ్యం కోసం మరియు మీ చర్మం బాగా ఉండటం కోసం నువ్వుల నూనె యొక్క ప్రయోజనాలను మనం ఒకసారి పరిశీలిద్దాము.  

• నువ్వుల నూనె యాంటిఆక్సిడం‌ట్లను సమృద్ధిగా కలిగిఉంది. నల్లని మచ్చలు మరియు ముడుతలు వంటి ముందుగా వచ్చే వృద్ధాప్య గుర్తులను నిరోధించడంలో ఇది సహాయపడుతుంది మరియు మీ చర్మం యొక్క ఆకృతిని పెంచుతుంది. 
• ఇది మీ చర్మం పైన ఒక మార్దవకర ప్రభావాన్ని కలిగిఉంటుంది. అనగా ఇది మీ చర్మ కణాలకు తేమను అందిస్తుంది మరియు చర్మ పొడిబారకుండా నిరోధిస్తుంది.
• నువ్వుల నూనెను చర్మం పై రాయడం వల్ల, ఇది ఒక రక్షిత పూతను చర్మం పై ఏర్పరుస్తుంది, తద్వారా సూర్యుడి వేడికి గురికావడం వల్ల కలిగే నష్టాలను నివారిస్తుంది.  
• ఒక యాంటిఫంగల్ ఏజెంట్‌గా, చర్మం పైన ఏర్పడే ఫంగల్ ఇన్‌ఫెక్షన్ల చికిత్సకు కూడా ఉపయోగిస్తారు.  
• నువ్వుల నూనెను సరియైన విధంగా పూయడం, గాయానికి సంబంధించిన మంట మరియు నొప్పిని తగ్గించడంలో కూడా సహాయపడుతుందని అధ్యయనాలు సూచిస్తున్నాయి.  
• మధ్య-పశ్చిమ ఇథియోపియాలో నిర్వహించిన ఒక సర్వేలో, గాయాలు పైన పూయడం కోసం అక్మెల్లా ఆకులతో కలిసిన నువ్వుల నూనెను అక్కడి స్థానిక ప్రజలు ఉపయోగిస్తున్నారని కనుగొనబడింది. పురాతన నాగరికతల్లో వైద్యం కోసం కూడా నూనెను స్వయంగా ఉపయోగించేవారు. 

నువ్వుల నూనె యొక్క ప్రధాన అంశాల్లో బహుళ అసంతృప్త కొవ్వు ఆమ్లాలు ఒకటి. ఈ నూనెలు చెడు కొలెస్ట్రాల్‌ను తక్కువ స్థాయిలో(ఎల్‌డి‌ఎల్) నిర్వహించేందుకు మరియు మంచి కొలెస్ట్రాల్‌ స్థాయిని (హెచ్‌డి‌ఎల్) నిర్వహించేందుకు సహాయపడతాయి, ఇది క్రమంగా ఎథెరోస్క్లెరోసిస్‌ను నిరోధిస్తుంది మరియు గుండెను ఆరోగ్యంగా ఉంచుతుంది.    

సంతృప్త కొవ్వులను తక్కువగా కలిగిఉంటుంది, ఇవి హానికరమైన రకాలలో ఒకటిగా పరిగణించబడ్డాయి మరియు ఇవి గుండె ఆరోగ్యానికి మంచివి కావు.

తర్వాత, నువ్వుల నూనె యొక్క యాంటిఆక్సిడంట్ ప్రొఫైల్ మీ గుండె కండరాలపై ఆక్సీకరణ ఒత్తిడిని ఉపశమనం చేస్తుంది, అవి సరిగా పనిచేసేలా చేస్తాయి. లిపిడ్ పెరాక్సిడేషన్ తొలగించడం ద్వారా ఎథెరోస్క్లెరోసిస్ నివారణలో కూడా ఇది ఒక ముఖ్యమైన పాత్రను పోషిస్తుంది.     

క్యాల్షియం మరియు జింక్‌లను నువ్వుల నూనె సమృద్ధిగా కలిగిఉంది,  ఇవి ఎముకల పెరుగుదలకు మరియు ఎముకల ఆరోగ్యం నిర్వహణకు అవసరమైన ముఖ్యమైన ఖనిజాలు. నువ్వుల నూనెను క్రమంగా తీసుకోవడం ఎముక గాయం నుండి వేగంగా కోలుకొనేలా చేస్తుంది మరియు ఎముక పెరుగుదలలో సహాయం చేస్తుంది.  

ఇది బోలు ఎముకల వ్యాధిని నివారిస్తుంది మరియు కీళ్ల వశ్యత నిర్వహణలో సహాయం చేయడ‌ం‌తో పాటు ఎముకల బలహీనతను కూడా నివారిస్తుంది.   

నువ్వుల నూనె ఒక శక్తివంతమైన యాంటి-ఇన్‌ఫ్లమేటరీ ఏజెంట్. రైస్ బ్రాన్ నూనెతో పాటు నువ్వుల నూనె యొక్క యాంటి-ఆర్థరైటిస్ ప్రభావాలను పరీక్షించేందుకు నిర్వహించిన ఒక అధ్యయనం‌లో, ఆర్థరైటిస్కు సంబంధించిన నొప్పి మరియు ఇన్‌ఫ్లమేటరీ ప్రభావాలను తగ్గించడం‌లో రెండూ కూడా సమాన సమర్థత కలిగిఉన్నాయని కనుగొనబడింది.  

కాబట్టి, మీ ఆహారంలో నువ్వుల నూనెను జోడించండి మరియు బలహీన ఎముకలకు వీడ్కోలు చెప్పండి. మీరు వంట అభిమాని కాకుంటే, కేవలం కాల్చిన నువ్వుల విత్తనాల నూనె కొనండి మరియు సలాడ్లలో కొన్ని చుక్కలు వేయండి.  

నువ్వుల నూనె దాని యాంటిబ్యాక్టీరియల్ లక్షణాలకు ప్రసిద్ధి చెందింది, ఈ లక్షణాలు దీనిని ఆయిల్ ఫుల్లింగ్‌కు ఒక ఆదర్శ ఎంపికగా చేసాయి. ఆయిల్ పుల్లింగ్ అన్నది పుక్కిలించడం అనే ప్రక్రియను పోలి ఉంటుంది, ఈ ప్రక్రియలో ఆయిల్‌ను మీ నోటిలో ఉంచుకోవాలి, దానిని ఉమ్మివేయడానికి ముందు నోటి చుట్టూ కలియత్రిప్పాలి. ఆయిల్ ఫుల్లింగ్‌లో నువ్వుల నూనె యొక్క ఉపయోగం ఫలకం స్థాయిని తగ్గిస్తుంది, తెల్లటి పళ్లు పొందేందుకు సహాయపడుతుంది, మీ పళ్లు మరియు చిగుళ్లను అనేక బ్యాక్టీరియాల నుండి రక్షిస్తుంది. లోవాలో నిర్వహించిన ఒక ప్రయోగం‌లో, విద్యార్థులు నువ్వుల నూనెతో వారి నోరును పుక్కిలించారు మరియు బ్యాక్టీరియాలో 85% శాతం తగ్గుదలను కనుగొన్నారు.    

నువ్వుల నూనెలో ఉండే కొన్ని పోషకాలు వివిధ రకాల క్యా‌న్సర్‌ను ఎదుర్కోవడం‌లో సహాయపడతాయి. ఉదాహరణకు, అధిక స్థాయి మెగ్నీషియం కొలెరెక్టాల్ క్యా‌న్సర్ అవకాశాలను తగ్గిస్తుంది, అలాగే క్యాల్షియం కంటెంట్ పెద్ద ప్రేగు క్యా‌న్సర్ నివారించేందుకు సహాయపడుతుంది. నువ్వుల నూనె సిసమోల్ అని పిలువబడే ఫినాలిక్ యాంటిఆక్సిడంట్ సమ్మేళనాన్ని కలిగిఉంటుంది. ఈ సమ్మేళనం వివిధ రకాల  క్యా‌న్సర్ను నివారించడ‌ంలో సమర్థవంతమైనదిగా చెప్పబడింది.  

నువ్వుల నూనెలో కాపర్ సమృద్ధిగా ఉంటుంది. ఎర్ర రక్త కణాల ఉత్పత్తికి కాపర్ చాలా అవసరం. నువ్వుల నూనెలో పుష్కలమైన కాపర్ ఉనికి కారణంగా, దాని యొక్క వినియోగం శరీరానికి సరియైన రక్త సరఫరాను ఇది హామీ ఇస్తుంది. అలాగే, నువ్వుల నూనెలోని ఇనుము యొక్క ఉనికి రక్తహీనతతో పోరాడటానికి సహాయపడుతుంది.  

హైపోగ్లైసేమియా మరియు అధిక రక్తపోటు తరచుగా నిర్వహించడం కష్టం మరియు డయాబెటిక్స్ ఉన్నవారికి సాధారణంగా ఆరోగ్యకరమైన ఆహారాన్ని నిర్ణయించడం కష్టంగా ఉంటుంది. ఇది రక్త చక్కెర స్పైక్‌కి కారణం కాదు. ఒక హైపోగ్లైసేమిక్‌గా (రక్తంలో గ్లూకోజ్‌ తగ్గించడం), నువ్వుల నూనె డయాబెటిక్ ప్రజలకు సరైన వంటనూనె ఎంపిక కావచ్చు. నువ్వుల నూనె మరియు నువ్వుల వెన్న శరీరం‌లో గ్లూకోజ్ స్థాయిలను తగ్గించడంలో ప్రభావవంతంగా పనిచేస్తాయని ఒక అధ్యయనంలో కనుగొనబడింది. అయితే, నువ్వుల వెన్నయాంటిఆక్సిడేటివ్, యాంటిహైపర్‌గ్లైసేమిక్ మరియు లిపిడ్-తగ్గించే ప్రభావాలు చూపించాయి, నువ్వుల నూనె శరీర బరువు నిర్వహణలో సహాయపడుతుంది మరియు హైపర్‌గ్లైసేమియాకు వ్యతిరేకంగా పనిచేసే లక్షణాలను కలిగిఉంటుంది.    

ఇటీవలి అధ్యయనం‌లో, డయాబెటిస్ లక్షణాలు మరియు సమస్యలు తగ్గించడం కోసం తెలుపు నువ్వుల నూనె ఉపయోగకరమైనదిగా ప్రదర్శించబడింది. 

క్లినికల్ న్యూట్రిషన్, అనే జర్నల్‌లో ప్రచురితమైన ఒక క్లినికల్ అధ్యయనం ప్రకారం, నువ్వుల నూనె‌లో ఉండే సెసామిన్, డయాబెటిక్ నిరోధక ఔషధాలతో సమ్మిళితంగా పనిచేస్తుంది మరియు దీర్ఘకాలంగా ఉండే మధుమేహ నిర్వహణలో ఉపయోగించవచ్చు.   

(మరింత చదవండి: డయాబెటిస్ చికిత్స)